Kryeministri Edi Rama ka folur sërish këtë të mërkurë për çështjen e Zvërnecit, për të cilën janë zhvilluar 3 protesta në Tiranë.
Rama e bëri të qartë që investitori do të blejë tokën e kujtdo që ka pronësi dhe e vërteton atë. Ndërsa ata që kanë thjesht pretendime, pa prova, nuk do të përfitojnë asnjë gjë.
Rama e konsideroj pozitive veprimin e SPAK, për mbajtjen të ngrira të fondeve, pa i lënë ato të kalojnë tek shitësi.
Kryeministri Edi Rama:
Unë kam dalë për një arsye tjetër që nuk ka të bëjë me mbledhjen e qeverisë, por për një zhvillim që është procesi i verifikimit të transaksionit për blerjen e tokës në Zvërnec që do të thotë me sqarimin e plotë dje përfundimtar të origjinës së fondeve të kaluara përmes bankës dhe çlirimin përfundimtar të investitorëve që janë pronar.
E konsideroj pozitive që SPAK ka vendosur të mbajë të ngrira fondet pa i lënë të kalojnë tek shitësi për të cilat ka një proces hetimor. Në këndvështirminb tim është pozitive për këdo që pretendon pronë në atë zonë.
Çështja e origjinës së pronës do mbulohet nga një hetim i pavarur nga SPAK. Në të dyja rastet, rezultati do jetë i padiskutuar nga ligji, ndërsa nga pretendimet do i jap fund çdo spekulimi që nuk është i bazuar në ligj. Në rast se shitësi ka një origjinë lëgjitime do marrë paratë, nëse nuk e ka, paratë doi ngelen Republikës së Shqipërisë dhe do përdoren për cilin do që vërteton pretendimin e pronës.
