Mijëra britanikë pushtuan rrugët dhe sheshet kryesore në Londër në shenjë kundërshtimi të nismës së kryeministrit Boris Johnson për bllokimin e buxhetit te parlamentit para afatit të Brexit më 31 tetor.
Ata bënë thirrje për t’i dhënë fund “grushtit të shtetit”, ose ndryshe një divorci pa marrëveshje me Bashkimin Europian.
Me flamuj të BE-së dhe Britanisë në duar, protestuesit u zotuan se do të vijojnë tubimet në mbarë vendin në mbrojtje të demokracisë.
Protestat masive në Londër vijnë në një kohë që Mbretërisë së Bashkuar i ka mbetur vetëm 61 ditë afat deri në daljen nga Bashkimi Europian. Sipas gjasave, vendimi i Johnson rrit shanset e Britanisë për të lënë unionin pa një marrëveshje divorci, e sipas biznesmenëve dhe mbështetësve anti-Brexit, një gjë e tillë do ta çonte ekonominë në “humnerë”, duke bërë që vendi të përballet me mungesë të madhe kryesisht në ushqime dhe ilaçe.
Megjithatë mediat shkruajnë se një numër gjithnjë e në rritje I deputeteve rebelë në partinë konservatore të Johnson, janë në diskutime me demokratët për të miratuar një ligj që detyron kryeministrin të kërkojë një zgjatje të afatit të 31 tetorit.
Nga ana tjetër ministrat e jashtëm të BE shprehen të shqetësuar se një dalje pa marrëveshje, do t’i kushtojë shumë mbretërisë së bashkuar.
