Rikthehen reshjet e dëborës në juglindjen e vendit shoqëruar me temperatura të ulëta që kanë shkuar në zonat malore -14 gradë.
Reshjet kanë rikthyer problemet e furnizimit me energji elektrike në njësitë administrative Vithkuq, Moglicë dhe në disa fshatra të njësisë administrative Dardhas.
Akset rrugore të Dardhës, Lekasit, Shtyllës, janë të kalueshme vetëm me zinxhirë. Sipas emergjencave civile në Prefekturën e Korçës trashësia e dëborës në juglindje varion nga 5-10 cm. Fshati Shtyllë prej 3 javësh vijon të jetë i izoluar.
