Nga Tropoja, ish-lideri historik i të djathtës hodhi akuza edhe në drejtim të Lulzim Bashës. Ai akuzoi kryedemokratin se po përpiqet të mbledhë firma për Kuvendin duke ofruar poste drejtorësh, zv.ministrash në kabinetin e Edi Ramës.
“Në 8 vite, peng kryetari që na çoi nga dështimi në dështim, me qëndrimet e tij defaktorizoi PD, e çoi para alternativës të jetë apo të mos jetë. Dy ditët e fundit peng-kryetari me një grusht vasalësh, determenësh dhe të tjerë po përpiqet të mbledhë firma duke ofruar poste drejtorësh, zëvendësministrash, në kabinetin e Edi Ramës. Ky është akti i fundit i turpit të tyre. Le t’u themi futuni në qeveri si tradhtarë por do t’u përmbysim së bashku me ta në një kohë sa më të shkurtër”, tha Berisha.
