Rritja e çmimit të naftës në 2 muajt e fundit ka goditur ekonmisë shqiptare, por sipas Bankës së Shqipërisë, efekti nuk pritet të zgjasë dhe shumë.
Gjatë raportimit të raportimit në komision Guvernatori Gent Sejko theksoi se inflacioni do të monitorohet në mënyrë të vazhdueshme nga banka
“Megjithatë, në gjykimin tonë, ndikimi mbi ekonominë shqiptare vlerësohet të jetë i kufizuar dhe afatshkurtër. Ekonomia jonë ka një ekspozim relativisht të moderuar ndaj kësaj goditjeje, si dhe gëzon hapësira të mjaftueshme për një reagim të kujdesshëm dhe proporcional të politikave publike. Në këtë kontekst, dëshiroj t’ju siguroj se Banka e Shqipërisë do të monitorojë me kujdes ecurinë e inflacionit, duke synuar të reagojë në kohën e duhur për të shmangur efektet e raundit të dytë dhe për të garantuar stabilitetin e çmimeve në ekonomi”, tha Sejko.
Nga ana tjetër, Sejko theksoi përmirësimet që Banka e Shqipërisë ka bërë në infrastrukturën digjitale, sidomos pagesat online të qytetarëve.
“Në veçanti, dëshiroj të evidentoj progresin e bërë në drejtim të zhvillimit të mëtejshëm të sistemit të pagesave, nëpërmjet ofrimit të platformave më të sofistikuara teknologjike, përmirësimit të bazës rregullatore dhe uljes së kostove të transaksioneve. Këto reforma u kurorëzuan me anëtarësimin e Shqipërisë në SEPA dhe fillimin e transaksioneve në muajin tetor 2025”, tha Sejko.
Banka e Shqipërisë vijoi monitorimin e kujdesshëm të rreziqeve sistemike.
Analizat evidentuan se këto rreziqe mbeten nën kontroll, ndërsa provat e sugjerojnë se sektori bankar ka kapacitete të mjaftueshme për të përballuar goditje të mundshme.
