Kryetari i Shtetit, Bajram Begaj e ka kthyer në Kuvend për rishqyrtim duke argumentuar se amendamentet nuk morën 84 votat që parashikon Kushtetuta.
Për nga përmbajtja, dispozitat e reja nuk bien në kundërshtim me parimet bazë të kushtetutës, por ka vend për diskutim nëse merren në konsideratë kushtet e përcaktuara nga konventa europiane për shtetësinë.
Më tej, Presidenti specifikon se katër nga pesë amendamentet e propozuara nga grupi i deputetëve, nuk kanë marrë votat e nevojëshme për të krijuar shumicën e cilësuar prej tri të pestave, të të gjithë anëtarëve të kuvendit.
Argumenti vijon duek theksuar se dispozitat e ligjit kryesisht krijojnë lehtësira për marrjen e shtetësisë shqiptare, masa dhe lloji i të cilave është në gjykimin sovran të kuvendit.
Gjithsesi, këto lehtësira vlen të analizohen edhe në kontekstin e raportit që krijojnë me parimin e barazisë para ligjit”.
“Për një ligj për të cilin Kushtetuta ka parashikuar miratimin me shumicë të cilësuar, konkretisht 84 vota, këto amendamente nuk e kanë marrë numrin e kërkuar të votave dhe nuk mund të quhen të miratuara”, shprehet Begaj në dokumentin që sqaron arsyet e kthimit të këtij ligji.
Ndryshimet në ligjin për shtetësinë u propozuan nga ministri i Brendshëm, Taulant Balla, i cili theksoi se qytetarët e Kosovës dhe të Maqedonisë së Veriut, të cilët kanë gjuhën shqipe si gjuhë zyrtare, të mos i nënshtrohen një testi për gjuhën dhe historinë shqiptare për të përfituar nënshtetësinë.
