Kandidatja demokrate Hillari Klinton kryeson me 3 pikë përballë rivalit të saj, republikanit Donald Trump. Në një përpunim të të dhënave nga të paktën 5 sondazheve prestigjoze nga BBC, që i referohet statistikave të Reuters, CNN, FOX News, The Economist dhe agjencisë së sondazheve Pew Research, ish-Sekretarja Amerikane e Shtetit ka 48% përballë 45% që zotëron multimiljarderi. Rezultatet e sondazhit të BBC-së pasojnë deklaratën e Presidentit Amerikan Barak Obama i cili ka thënë se zgjedhja e Donald Trump do të ishte një kërcënim për SHBA-në dhe mbarë politikën botërore.
