Sekretari i Përgjithshëm i PD, Gazment Bardhi vlerësoi raportin e Komisionit të Venecias për Gjykatën Kushteutese.
Me anë të një postimi në “Facebook”, Bardhi tha se edhe një herë u provua se presidenti Ilir Meta kishte të drejtë.
Për demokratin, me anë të këtij opinioni i jepet fund tentativës së Edi Ramës për të kapur Gjykatën Kushtetuese.
“Përshëndes vendimin e Komisionit të Venecias që vulosi sot se regjimi në ikje i Edi Ramës tentoi të kapë edhe Gjykatën Kushtetuese. Komisioni i Venecias konfirmoi qartë se ka zero shkelje të Kushtetutës nga Presidenti i Republikës në betejën legjitime kundër kapjes së Gjykatës Kushtetuese. Kjo është një tjetër provë sesi Edi Rama ka vetëm një strategji me drejtësinë: ose ta kapë, ose ta bllokojë. Bërja sa më parë funksionale e Gjykatës Kushtetuese është jo vetëm e rëndësishme për demokracinë në Shqipëri, por edhe 1 nga 15 kushtet për fillimin e negociatave me BE.”
Sipas Komisionit të Venecias, duket e arsyeshme që Presidenti refuzoi të pranonte betimin e gjyqtares që pretendon se u emërua automatikisht.
