Ish-deputeti i Partisë Demokratike, Klevis Balliu thekson se asnjë parti politike nuk mund të ndërmarrë hapa për ndryshimin e kushtetutës pa krijimin e Gjykatës Kushtetuese.
I ftuar këtë të mërkurë në emisionin “7 pa 5” në Vizion Plus, demokrati shprehet se kryeministri Edi Rama kërkon shpikjen e një formule të re zgjedhore me qëllim shkatërrimin e marrëveshjes së 5 qershorit për reformën zgjedhore.
“Në Shqipëri nuk ka qeveri, nuk është askund ku i leverdis qytetarëve. Në parlament ka vetëm 82 deputetë të ligjshëm, të tjerët janë antikushtetues. Dhe këtë do ta vërtetojë GJK. Pa krijuar GJK asnjë qeveri apo parti potike nuk mund të ndërmerren hapa për ndrydhimin e kushtetutës. Për shkak të dështimeve, shkatërrimit të ekonomisë, mbylljes së dyerve nga cdo kancelari e Europës, sot gjendet përballë një realiteti, i cili nuk i pëlqen. Kush është ky realitet? Janë ata 80% qytetarë shqiptarë që nuk dolën në votimet monsite të 30 qershorit. Ky 80% nuk e do Edi Ramën kryeministër, përkundrazi ky 80% kërkon që Rama të përgjigjet para drejtësisë. Në këtë situatë Edi Rama kërkon shpikjen e një formule të re zgjedhore për të shkatërruar dakordësinë e 5 qershorit, duke sulmuar jo vetëm parimet kushtetuese dhe jo vetëm reformën dhe dakordësinë përsa i përket reformës zgjedhor, apo jo vetëm opozitën, por në radhë të parë edhe SHBA; Ajo dakordësi nuk u arrit as në shtëpinë tuaj, as në timen, as te selia e PD as te selia aleatëve por u arrit në shtëpinë e SHBA, në Ambasadën Amerikane”, deklaroi Balliu.
I pyetur nëse opozita e bashkuar ka garancinë e ndërkombëtarëve për mosprishjen e dakordësisë së 5 qershorit, ish-deputeti u përgjigj duke cituar zv.kryetarin e Grupit të CDU-CSU në Bungestag, Johann David Wadephul, i cili paralajmëroi bllokimin e procesit të integrimit për Shqipërinë, nëse “Zgjedhorja” miratohet në Parlament me ndryshime.
“Ambasadorja e SHBA, ka qenë e qartë. Asnjë gërmë të mos preket nga dakordësia. Po ashtu edhe dje Bundestag dha një deklaratë, e cila e sqaron më së miri këtë cështje, nëse vazhdoni përpara me këtë plan famëzi atëherë nuk ka negociata për shqiptarët. Rama po shet interesin kombëtar, shet dhe integrimin, shiti dhe partinë e vet kur iu gjunjëzua Lulzim Bashës që i luteshe për tu bërë president. Nuk ka asnjë pikë dyshimi që kemi të bëjmë me një kryeministër, i cili e di që fundi i tij ka ardhur dhe tenton të manipulojë dhe mashtrojë për të shtruar rrugën e krimit elektoral ty radhës që do të bëjë në zgjedhjet e ardhshme. Do ikë edhe mbështetja e BE për Shqipërinë, ajo mbështetje që ka dhënë qindra-mijëra Euro për këtë vend, edhe në kohë pandemie, edhe për tërmetin. Edi Rama po shet Shqipërinë, mbështetjen e Shqipërisë, shqiptarët, vetëm e vetëm për të shpëtuar kokën e tij.”
