Italia fqinje ka zbatuar izolimin më të rreptë në shkallë vendi për 4 muaj e duket se tashmë njerëzve u ka humbur durimi. Protesta e radhës është ajo e artistëve. Qindra aktorë, valltarë, stilistë, rrobaqepës, artistë rruge dhe shumë operatorë të tjerë të sektorit të argëtimit, protestuan në rrugët e Romës.
Edhe pse vendi gjendet në fazën e tretë të rihapjes graduale dhe shumica e bizneseve e kompanive i janë rikthyer punës, protestuesit kundërshtojnë politikat e qeverisë të cilat i konsiderojnë diskriminuese.
Në mesin e krizës ekonomike, ata shprehen se rregullat e distancimit dhe masat e tjera mbrojtëse në kuadër të pandemisë, kanë paralizuar aktivitetin e tyre. Gjatë protestes pati edhe moment perplasjeje me policinë.
Edhe kinematë janë prekur ndjeshëm duke humbur audiencën. Në një hapësirë me kapacitet prej 160 personash, tashmë lejohen vetëm 40 të tillë.
