Një ngjarje e rëndë ndodhi paraditen e kësaj të enjteje në fshatin Bodrisht të Dropullit. Një çift bashkëshortësh të moshuar janë gjetur të vdekur në banesën e tyre nga fqinjët.
Viktimat janë Kosta Ilia, 84 vjeç dhe Kleoniqi Ilia, 88 vjeçe, në trupin e të cilëve janë gjetur shenja dhune që dyshohet se janë shkaktuar nga goditjet me sende të forta rrethanore.
Lexo edhe :
Related Posts
Në banesë nuk janë vërejtur thyerje të xhamave, apo të dyerve. Po ashtu orenditë ishin në vendin e tyre, duke shtyrë policinë që për momentin të përjashtojë pistën e një grabitjeje me dhunë.
Hetuesit dyshojnë se ngjarja mund të jetë një rast krimi brenda familjes e për këtë janë marrë në pyetje të afërm të viktimave.
Çifti i të moshuarve jetonte vetëm dhe nuk kishte fëmijë. /vizionplus.tv
