Deputeti i opozitës, Adriatik Alimadhi doli nga spitali pas 49 ditësh. Lajmin e dha ai në “Facebook”, ku rrëfeu edhe gjithçka kaloi në pavion pasi ishte i infektuar me koronavirus.
“Momentet më të vështira për mua ishin: Kur u mbylla ditën e parë në dhomën e spitalit. Hyrja në pavion, infermierja, dy bidona ujë gjysmë litri. 97 herë të përdorura gjithë natën. Aspak gjumë. Mbi qindra herë i shpuar nga gjilpërat, sa nuk mbanin më damarët. Kur u përkeqësova në Spitalin Infektiv bllokimin e frymëmarrjes. Nuk ngopesha edhe me 2 burime oksigjeni. Përdora oksigjenin e vëllait tim Fatosit, pra 30 litra oksigjen. Ndërhyrja e doktoreshë Nevilës më ktheu në jetë. Moment tjetër shumë i vështirë kuptohet ishte kalimi për në reanimacion.”
Alimadhi tha se në këmbë është çuar pas 35 ditësh, ndërsa kafen e parë e ka pirë në ditën e 50. Ai falenderoi stafin mjekësor për të gjithë kujdesin dhe shërbimin.
