Ministria e Financave vendosi të shtyjë afatin e garancisë sovrane për bizneset. Por për Partinë Demokratike, ky vendim nuk vlen nëse nuk ndryshohen kriteret e garancisë. Eksperti i ekonomisë në PD, Dorian Teliti tha, gjatë një interviste për edicionin qendror të lajmeve në “Vizion Plus”, se qeveria duhet të rishikojë sa më parë kriteret.
“Ka qenë diçka qe ne e kemi kërkuar, por nuk jemi dakord me kushtet e kredidhënies. Kriteret janë ta pavarfoshme për biznesin shqiptar. Prandaj shtyrja e afatit të garancisë, nëse ajo nuk shoqërohet me ndryshim të kritereve, do të sjellë vetëm shtyrje të afatit kohor, pa përfitim. Duhen rishikuar kriteret. Duke filluar nga norma e interesit, në garancinë sovrane është 5%. Të përfitosh nga garancia sovrane nuk të jep asgjë, por kosto më të larta.”
Duke e ndalur theksin tek kriza ekonomike për shkak të pandemisë, Teliti kritikoi qeverinë se nuk ka bërë mjaftueshëm për të ndihmuar bizneset. Ai tha përballë gazetares Pranvera Borakaj se duhet të ishte vënë në zbatim planin i propozuar nga opozita.
“Deri më sot qeveria shqiptare ka ndërmarrë dy paketa, vendet e rajonit po implementojnë paketën e katërt. Kosova ka paketë të paktën dy herë më të lartë sesa e jona. Deri më sot kanë humbur mijëra njerëz vendin e punës, bizneset po falimentojnë. Ishte e nevojshme të ndërmerret paketa e tretë, një paketë serioze, por ajo nuk është marrë dhe ja ku jemi sot me një ekonomi të zbërthyer, duhen marrë hapat për të dalë nga kjo situatë. Pesë pikat që propozoi Lulzim Bashsa ishte përgjigja e duhur dhe që mund të realizohej.”
Në fund të intervistës për “Vizion Plus”, Dorian Teliti tregoi edhe disa detaje nga program i PD për zgjedhjet e 25 prillit.
“Kjo është pjesë e strategjisë elektorale të PD. Kryeministri i dështuar ka filluar të kopjojë hap pas hapi disa nga pikat tona. Programi ynë do të jetë i qartë, i thjeshtë dhe i bëshëm, nuk do të jetë një program që do të shikoni mrekulli, mrekulli nuk premtojmë. Programi ynë do të jetë një program që u përgjigjet problemeve aktuale të menaxhimit të pandemisë, të ekonomisë, për të rimëkëmbyr ekonominë shqiptare.”
