Viti 2016 nuk rresht së sjelli veç lajme të mira për Adele, e cila tashmë është shpallur personazhi i njohur më i pasur britanik nën moshën 30 vjeç sipas revistës Heat. Këngëtarja 28 vjeçare aktualisht është në fund të turit botëror “Adele Live 2016”, dhe tani ka një pasuri prej 114 milion $, më shumë se dyfishi i vlerës së vjetshme.
Në vend të dytë renditet aktori i Harry Potter, Daniel Radcliffe, që vlen 92 milion $, dhe pasohet në vend të tretë nga këngëtari dhe tekst shkruesi i muzikës pop Ed Sheeran me 56 milion $. Ky është viti i gjashtë, që revista publikon këtë listë, por është e para që shfaq djemtë e grupit One Direction të renditur individualisht, dhe kjo është arsyeja përse ata nuk janë më në krye. Zayn Malik, që u largua nga grupi në Mars të 2015 dhe nisi një karierrë solo në fillim të këtij viti, listohet i 4 me një vlerë prej 47 milion $. Harry Styles është vetëm një pozicion poshtë tij me 46 milion $.
