Mjeku Ilir Alimehmeti dha përgjigje për një pyetje që mund ta kenë bërë të gjithë: A përhapet koronavirusi nga ajri?

Përmes një postimi në “Facebook”, Alimehmeti publikoi një studim të kryer së fundmi. Sipas tij, studiuesit kanë arritur në përfundimin se virusi nuk përhapet nga ajri.

“Përhapet koronavirusi nga ajri apo jo? Kjo është çështja! Studiuesit e Universitetit Harvard (SHBA) publikuan dje në JAMA Netëork, një përmbledhje të evidencave dhe teorive mbi përhapjen e SARS-CoV-2 nga ajri (aerosol). Përfundimet e tyre të përkthyera janë:

👉 “…Totali i evidencës duket i papajtueshëm me transmetimin e SARS-CoV-2 përmes aerosolit, veçanërisht në hapësirat e ventiluara mirë.”

Ilir Alimehmeti sqaroi se distanca dy metra nevojitet për të mos lejuar përhapjen e koronavirusit. Këtë sqarim ai e bëri duke ju referuar studimit.

“Në praktikë, kjo do të thotë se, për të minimizuar përhapjen e SARS-CoV-2, mjafton distanca 2 metra larg të tjerëve dhe, në rast se kjo distancë nuk është e mundur të mbahet, mjafton mbajtja e maskave mjekësore, e maskave me copë me cilësi të lartë, ose mbrojtëset e fytyrës (pa harruar higjienën e shpeshtë të duar.”

Këshilla e doktorit është që të vijohet me ruajtjen e distancës fizike, higjienën e duarve dhe mbajtjen e maskës kur nuk ruhet dot distanca.

Leave a Reply

Your email address will not be published. Required fields are marked *