Kryeministri Edi Rama gjatë takimit me shqiptarët në Athinë ironizoi sërish kreun e PD, Sali Berisha, i cili pak ditë më parë u shfaq me një buf gjatë një konference për mediat.
Rama tha se ndryshe nga Bufi i athinasve apo ai i romakëve, Bufi i Tiranës nuk vjen si trashëgimi kulturore, por si trashëgimi e komunizmit.
Ndërsa në një moment ftoi pjesëmarrësit të imagjinojnë vetëm një çast sikur pas 11 majit, në 15 dhe 16 maj kur liderët europianë vijnë në Tiranë dhe përballë tyre të ulet Sali Berisha, se si do të ndiheshin.
“Në 15 maj vijnë në Tiranë të gjithë liderët e BE dhe në 16 të ligjë liderët europianë edhe ata jashtë BE. Imagjinoni pak të kenë përballë tyre Bufin e kënetës. Jemi në Athinë dhe bufi kishte dalë një ditë dhe kishte thënë që jam krenar të jem buf, sepse bufi ka qenë simboli i Athinasë dhe i Minervës, dhe ka qenë simbol i urtësisë dhe bukurisë, se i duket vetja dhe i burkur atij, se ju e dini vetë sa superseksi është. Por problemi ëhstë që nuk bëhet fjalë për të njëjtin buf. Bufi i grekëve dhe i romakëve ishte ai që quhet bufi i vogël, ndërkohë ky Bufi jonë është ai që populli jonë thotë: Ç’më rri aty o Buf kënete. Bufi i urtësisë rri në male, ky i joni rri në një llum që e penguar Shqiëprinë dhe shqiptarët për kaq e kaq shumë vite. Bufin në Tiranë nuk e kemi trashëgimi nga qytetërimi ynë i vjetër, por e kemi peshqesh nga diktatura komuniste”, tha Rama.
