Dy aksidente u regjistruan njëri pas tjetrit mëngjesin e kësaj të marte në autostradën Durrës-Tiranë.
Aksidentet ndodhen në afërsi të mbikalimit të Shënavlashit dhe 5 automjete u përfshinë në përplasjet e njëpasnjëshme.
Dy drejtues mjetesh u plagosën dhe u dërguan në spital për të marrë ndihmën mjekësore.
Në vendin e ngjarjes mbërritën efektivët e policisë rrugore.
Për shkak të aksidenteve për afro një orë njëra korsi e autostradës u bllokua duke krijuar radhë të gjatë automjetesh./vizionplus.tv
