Policia e Durrësit ka sekuestruar 400 mijë litra naftë kontrabandë dhe ka vënë në pranga 6 persona.
Ditën e djeshme, 13 janar, në kuadër të operacionit “Ari i zi” u sekuestruan 600 mijë litra naftë kontrabandë nga Tunizia.
Lexo edhe :
Related Posts
Policia njofton se gjatë operacionit “Ari i zi 2” u arrestuan në flagrancë shtetasit sirianë M. S., 56 vjeç, kapiteni i anijes, W. B., 42 vjeç, ndihmës i oficerit të parë, H. B., 47 vjeç, shefi i inxhinierëve, S. Sh., 25 vjeç, shefi i ofiçinës, F. I., 23 vjeç, mirëmbajtës i pompave të naftës, si dhe shtetasi shqiptar N. M., 34 vjeç, oficer i parë i anijes.
Gjithashtu, u identifikuan dhe u shpallën në kërkim organizatorët e dyshuar të këtij rasti, shtetasit J. K., 31 vjeç, banues në Tiranë, dhe S. S., 32 vjeç, banues në Durrës. Vijon intensivisht puna për lokalizimin dhe kapjen e tyre.
Më tej, gjatë këtij operacioni, u referuan materialet në Prokurori, ku nisi procedimi në gjendje të lirë për 5 pjesëtarë të tjerë të ekuipazhit të anijes, përgjegjës për mirëmbajtjen e mjetit.
Nga kontrolli në anije, në balastrat që shërbejnë për balancimin e mjetit, u gjetën 400 000 litra naftë e dyshuar e kontrabanduar nga Tunizia./vizionplus.tv
