Taulant Balla, ministri i Shtetit për Marrëdhëniet me Parlamentin i ka shprehur ngushëllimet familjes së 14-vjeçarit Martin Cani, i cili u vra me thikë ditën e djeshme nga një bashkëmoshatar.
Ngjarja e rëndë ndodhi jashtë ambienteve të shkollës 9-vjeçare “Fan Noli” ku dy të miturit studionin. Balla akuzoi opozitën se po e përdor ngjarjen politikisht dhe u bëri thirrje që mos bëjnë politikë me vdekjen.
Lexo edhe :
Balla: Humbja e një jete të një nxënësi, një djali të ri, një futbollist i shkëlqyer na ka prekur të gjithë dhe ngushëllimet më të ndjera familjes. Është një përgjegjësi që na takon të gjithëve dhe kjo përgjegjësi bëhet më e madhe kur ngjarje kaq të rënda keqpërdoren për debatin politik të ditës. Secili prej nesh ka përgjegjësinë e vet për modelin që japim. Kërkuat përgjegjësi për zbatimin e paktës së sigurisë në shkolla.
Unë kam bindjen se na duhet një qasje krejtësisht tjetër sa i përket garantimit të perimetrit të sigurisë në shkolla, sa i përket luftës së keqpërdorimit të rrjeteve sociale. Sot kemi nevojë të bashkohemi me njëri-tjetrin për të kaluar ato propozime që kemi depozituar prej kohësh sa i përket perimetrit të sigurisë në shkollë. Kjo ngjarje duhet të na bëjë me përgjegjësi të gjithëve. Ftoj opozitën të mbajë fjalën dhe të thotë “ne jemi gati të mbështesim të gjitha masat drastike ligjore që duhen ndërmarrë”./vizionplus.tv
