HAP PAS HAPI/ Si kaloi kompania dorë më dorë mes kreut të ARRSH dhe ortakëve të tij, nga blerja dy mln euro te shitja zero lekë

Me urdhër të SPAK, ditën e djeshme është arrestuar kreu i Autoritetit Rrugor Shqiptar, Evis Berberi dhe dy biznesmenë, Valter Begaj dhe Ervis Lame.

Berberi, i cili ishte në krye të ARRSH që në vitin 2021, mësohet se ka dhënë dorëheqjen disa ditë para arrestimit, por nuk ka një njoftim zyrtar. Ai akuzohet pr pastrim parash dhe korrupsion pavis.

Lexo edhe :

Apeli rrëzon kërkesën e Evis Berberit, ish-kreu i ARRSH dhe dy biznesmenët mbeten në burg

Arrestimi i Evis Berberit, SPAK zbardh akuzat, ish-kreu i ARRSH nën hetim për pastrim parash

Arrestimi i Evis Berberit, shitja fiktive e një kompanie çon pas hekurave edhe dy biznesmenë (EMRAT)

Korrupsion dhe pastrim parash, GJKKO lë në burg Evis Berberin dhe 2 biznesmenët

Shtyhet seanca gjyqësore për ish-kreun e ARRSH, Evis Berberi

SPAK nisi javët e fundit një hetim hetim ndaj Berberit, për çështjen e shitjes së një kompanie në vitin 2018, dhe dyshohet për transferim fiktiv me qëllim që të shmangte konfliktin e interesit, pasi do të emërohej si këshilltar në Ministrinë e Infrastrukturës dhe Energjisë.

Ervis Lame rezulton të jetë administrator i kompanisë DAAM, kompani supervizimi punimesh, e cila aktualisht është në pronësi 100% të Valter Begajt. Më parë ka qenë në pronësi të Evis Berberi dhe SPAK thotë se kemi të bëjmë me një shitje fiktive të kompanisë.

Çfarë ka ndodhur hap pas hapi?

Në 7 shtator 2018, Evis Berberi, i bleu Valter Begajt kompaninë ‘B-VAAL ENG-10’, me nipt L72205042F, për 100 mijë lekë. Kompania e themeluar në tetor 2017 kishte dhe ka si objekt studimin, projektimin, mbikëqyrjeen dhe kolaudimin e objekteve ndërtimore.