Në një komunikim në “Facebook”, kryeministri Edi Rama, ka treguar një mesazh të ardhur nga një zyrtar në Bruksel. Sipas kreut të qeverisë, ai i ka komunikuar se protestat ekonomike i shërbejnë vetëm Putin në këtë periudhë.
“Një non gratë që kërkon ta bëjë Shqipërinë non-grata bashkë me atë non-gratën e pashpallur. Më ka ardhur një mesazh nga Brukseli, nga dikush në një instancë të caktuar ku thotë, po ndjekim me shqetësim zhvillimet në Tiranë, a keni informacione kush qëndron prapa këtyre protestave, Shqipëria është në NATO, është gati de fakto në luftë me Rusinë, lufta sjell vështirësi, kjo që po ndodh është vetëm fillimi. Rusia ka shpresë të madhe tek protestat ekonomike në vendet e NATO-s. Nuk po diskutoj këtu se këta i ka nxjerrë në rrugë Putini, por po them se si mund të bëhesh vegël edhe e një interesi tjetër për turpin tënd dhe turpin e të gjithëve duke bërë diçka kaq të paturpshme sa një reagim i tillë.”
Rama theksoi gjithashtu se asnjë taksë e karburanteve nuk do të hiqet.
“Nuk ka pasuri, asgjë më të madhe për mua se besimi që më keni dhënë për të qenë këtu. Kriza nuk filloi dje, ka filluar si rezultat i një reagimi të tregjeve shkak i ringritjes pas pandemisë dhe vala e inflacionit ka qenë më e përmbajtur se në Eurozonë. Kriza energjitike ndërkohë nuk ka filluar sot, e kam paralajmëruar unë atëherë kur thonin nuk ekziston. Unë nuk tallem me njerëzit se kam respekt, me vendin se janë shumë të shtrenjta për mua. Vazhdon mashtrimin thotë tjetri. Fjalë të rënda. Unë i vlerësoj protestat, une nuk kam çfarë frike të kem. Detyra ime nuk e pranon frikën. Kjo protestë është një turp që po tërheq njerëz të shqetësuar, dëshpëruar panikuar nga kjo situatë. Bota proteston kundër luftës jo pse u rritën çmimet. Këtu flitet për Luftë të tretë Botërore. Dilni protestoni sa të doni, edhe 100 fish të jeni asnjë taksë karburanti nuk lëviz.”
