Kryetarja e Partisë Lëvizja për Ndryshim, Jozefina Topalli prezantoi këtë të hënë kandidatët që do të garojnë për deputetë në zgjedhjet e 25 prillit në qarkun e Dibrës.
Gjatë fjalës së saj, Topalli u shpreh se kandidatët e “LN” janë kryesisht të rinj që duan ndryshimin e vendit.
Ajo nuk hezitoi të sulmonte edhe kryetarët e tre partive më të mëdha në vend, duke i quajtur ata oligarkë dhe të korruptuar.
“Grupi i kandidatëve të Lëvizjes për Ndryshim ka sjellë pesë propozime të reja për një ekonomi më reale dhe një rritje ekonomike, rritje punësimi dhe garanci për një të ardhme të sigurtë”, theksoi Topalli.
Lëvizja për Ndryshim garon në Qarkun Dibër me Sandra Xheleshi, Neada Stana, Besar Murati, Flavio Pjetri, Aldona Koka dhe Dhurata Kola.
