Takahiro Shiraishi, i quajtur ndryshe edhe si “Vrasësi i Twitter” është dënuar me vdekje.
Ai u arrestua në vitin 2017, pasi u akuzua se vrau nëntë persona, të cilët i kontaktoi ata përmes rrjetit social “Twitter”.
30-vjeçari pranoi vrasjen dhe copëtimin e viktimave të tij. Tetë prej tyre ishin vajza të reja, ndërsa një ishte burrë, të cilët i joshte dhe më pas i takonte në shtëpinë e tij.
Më shumë se 400 njerëz u paraqitën për të parë vendimin të martën, pavarësisht se gjykata kishte vetëm 16 vende në dispozicion për publikun.
Mbështetja publike për dënimin me vdekje mbetet e lartë në Japoni, një nga vendet e pakta të zhvilluara që ende ruan dënimin me vdekje.
