Çiftet që jetojnë të ndara në zona në Britaninë e Madhe që u futën në karantinë, nuk do të kenë mundësinë të takohen për seks. Ky është rregulli që ka vendosur kryeministri britanik, Boris Johnson për të ndaluar përhapjen e koronavirusit.
Ata që jetojnë me partnerët e tyre, nuk preken nga masa. Megjithatë, policia nuk do të jetë në gjendje të futet në dhomat e gjumit për të kontrolluar dhe për të zbatuar rregullin.
I vetmi përjashtim që ekziston është që çiftet do të lejohen të qëndrojnë në shtëpinë e njëri-tjetrit brenda natës nëse kanë një marrëdhënie serioze. E njëjta masë u mor edhe në verë dhe shkaktoi jo pak acarim tek qytetarët.
