Të shtëna me armë në një lagje periferike të qytetit të Korçës. Dy vëllezër për motive ende të pasqaruara janë konfliktuar me një person tjetër në lagjen 17 të qytetit. Pas debateve të forta mes dy vëllezërve dhe shtetasit me iniciale E.B, njëri nga vëllezrit Xoxi sipas policisë ka qëlluar me armë zjarri tip pistoletë në ajër dhe janë larguar më pas nga vend ii ngjarjes.
Të njëjtat burime bëjnë me dije se bëhet fjalë për vëllezrit Kristjan dhe Vasjan Xoxi, të cilët pak përpara ngjarjes kishin debatuar me shtetasin E.B dhe më pas janë rikthyer për të qëlluar me armë në ajër.
Policia ka shqëruar në komisariatin e Korçës, personin ndaj të cilit është qëlluar, ndërsa është vënë në kërkim për kapjen e dy vëllezërve të dyshuar për këtë ngjarje si autorë të mundshëm. Policia gjithashtu ka gjetur në vendin e ngjarjes armën e zjarrit tip pistoletë e cila ishte hedhur pas konfliktit nga ana e autorëve.
