Një 30-vjeçar ka rënë në prangat e policisë së Elbasanit pasi akuzohet si hajdut i makinave luksoze.
Sipas policisë pas 30 minutash ndjekjeje i riu nga Durrësi, me inicialet A. P., u kap teksa tentonte të largohej bashkë me mjetin që kishte vjedhur.
Ndonëse tentoi që t’i shpëtonte policisë, i riu u arrestua në flagrancë. 30-vjeçari në lagjen “Shënkoll”, në orët e mbrëmjes ka vjedhur mjetin tip “Benz ML”, në pronësi të shtetasit E. Ç.
Gjithashtu, nga veprimet e kryera nga specialistët për hetimin e krimeve në Komisariatin e Policisë Elbasan, dyshohet se ky shtetas është autor edhe i vjedhjes së automjetit tip “Benz”, në pronësi të shtetasit A.M., banues në Elbasan, vjedhje e ndodhur në ditët e para të këtij viti.
