Real Madrid ka zyrtarizuar këtë të martë blerjen e sulmuesit Luca Joviç.
Pas sezonit të mrekullueshëm të zhvilluar tek Eintracht Frankfurt, Joviç ka bërë hapin e madh dhe është bërë pjesë e galaktikëve.
Lajmin e ka njoftuar vetë klubi madrilenë në faqen zyrtare. Joviç ka nënshkruar një kontratë 6 vjeçare me madrilenët ndërsa ende nuk bëhet e ditur sesa do të fitojë 21 vjeçari serb në Madrid.
Sipas mediave spanjolle, 21 vjeçari i kushtoi Realit 60 milionë euro plus bonuset.
Joviç është goditja e dytë e e galaktikëve pas nënshkrimit me mbrojtësin Eder Militao.
Ndërkohë në listën e lojtarëve të preferuar të Zidane janë dhe Eden Hazard, I cili njoftoi largimin nga Chelsea por edhe francezi Paul Pogba.
