I ftuar ne emisionin sportiv “Kampionët” në Vizion Plus, Saimir Patushi nuk ka nguruar të komentojë dhe bëjë batuta në lidhje me ecurine e disa skuadrave në superiore por edhe personazheve të rëndësishëm të kampionatit.
I pyetur nga moderatori Andi Nuraj në lidhje me fatin e Skenderbeut, Patushi tha se dëmtimi i mundshëm nga Uefa, praktikisht e shkerrmoq skuadrën korcare dhe mbyll të gjithë ciklin 9-vjecar të kësaj skuadre në majën e futbollit shqiptar.
“Ishte një klub me të cilin u krenuan në Europe. Ndërtuan dicka goxha të mirë por me denimin e mundshëm, mendoj se cikli i tyre ka mbaruar. Nuk besoj se do të kenë mundësi të ringrihem më”.
Ndërsa sa i takon Kukësit, Patushi thotë se verioret kanë një problem tjetër.
“Kam biseduar personalisht me presidentin Gjici. Kukësi ka një strategji të gabuar. Nuk mund të marrësh 15 lojtarë dhe të heqësh 10 të tjerë, merkato pas merkato. Presidenti shpenzon shumë por nuk i jep kohë ekipit që të stabilizohet dhe të harmonizohetr. Me pak fjalë Kukësi është një rrëmujë totale.”
