Vota e Shqipërisë në OKB nuk është ndikuar nga asnjë shtet. Drejtori i Përgjithshëm për Çështjet Politike dhe Strategjike në Ministrinë për Europën dhe Punët e Jashtme Ferit Hoxha, thotë se pranë qeverisë shqiptare nuk ka pasur lobim për mënyrën e votimit.
Për Vizion Plus, Hoxha qartëson se rezoluta e hedhur për votim, është e shtresëzuar në një numër dokumentesh të rëndësishme ndërkombëtare të miratuara më parë nga Këshilli i Sigurimit, në përmbajtje të së cilave ka element të së drejtës ndërkombëtare.
Zyrtari i lartë thekson se vota nuk ka të bëjë me elementë të interpretuar të mënyra të ndryshme. Sipas tij, vota përbën një qëndrim të njohur dhe të mbajtur edhe më parë nga Shqipëria, duke shkuar në të njëjtën linjë politike me vendet anëtare të Bashkimit Europian.
