Pakica e myslimanëve Rohinja vazhdon të përballet me masakrat dhe dhunën e shtetit të Mianmarit. Të paktën 12 persona, mes tyre 10 fëmijë, u gjetën të vdekur nga rojet e Bangladeshit, pasi një anije e mbushur me myslimanë u mbyt teksa po largohej nga vendi.
Ende nuk dihet numri i saktë i personave, të cilët ndodheshin në anije, por zyrtarë të rojeve kufitare mendojnë se në bord ishin të paktën 100 persona, mes tyre dhjetëra fëmijë. Një numër njerëzish të tjerë konsiderohen të zhdukur pas incidentit. Dhjetëra myslimanë Rohinja kanë vdekur në përpjekje për të kaluar në Bangladesh për t’i shpëtuar dhunës së ushtrisë së Mianmarit, ndërsa qindra mijëra të tjerëve u mohohet nënshtetësia.
