Pas tetë vitesh kërkesa të njëpasnjëshme, qeveria ka bërë realitet uljen e Tatimit mbi Vlerën e Shtuar nga 20 në 6 % për sektorin e turizmit. Vendimi është marrë këtë të mërkurë në mbledhjen e qeverisë. Ky vendim i vjen në ndihmë kryesisht njësive akomoduese, duke i dhënë një frymëmarrje tregut turistik, i cili është i rënduar nga një sërë problemesh. Gjatë vitit 2016 të dhënat nga INSAT flasin për një shifër prej 4.7 milion udhëtarësh që kanë hyrë në vendin tonë, një shifër kjo 15 % më e lartë se viti 2015. Ndërsa të ardhurat nga turizmi për vitin që lamë pas arrijnë në 1.5 miliard. Me reduktimin e TVSH në nivelin 6 %, Shqipëria bëhet konkurruese me vendet e rajonit, pasi deri më tani ne rezultojnë se kemi nivelin më të lartë të TVSH-së.
