Zbatimi i vendimeve të Kushtetueses, Parlamenti nis punën për pagat e gjyqtarëve e rregulloren e Kuvendit
Parlamenti nisi punën për të zbatuar dy vendime të Gjykatës Kushtetuese; vendimi i parë që lidhet me rritjen e pagave të gjyqtarëve e prokurorëve dhe vendimi i dytë që ka lidhje më rregulloren e Kuvendit.
Këshilli i Legjislacionit u njoh sot më argumentimin e kushtetueses pse duhet të ndryshojë mënyra e përllogaritjes së pagës së magjistratëve dhe pse ngritja e 11 komisioneve parlamentare në shtator dhe ndryshimi i rregullores për këtë qëllim ishte në shkelje të kushtetutës.
Gjykata i ka lënë detyrë Parlamentit të ndryshojë edhe ligjin për statusin e gjyqtarëve dhe prokurorëve dhe rregulloren e Kuvendit.
Sot Këshilli i Legjislacionit caktoi vetëm relatorët për të dyja këto ligje dhe pritet që javën e ardhme të nisë punën me rregullimin e tyre.
