Policia Kufitare në portin e Durrësit ka goditur dy raste të tentativës për kontrabandë mallrash gjatë kontrolleve të intensifikuara në hyrje të Shqipërisë.
Në rastin e parë, u arrestua në flagrancë shtetasi A. P., 50 vjeç, banues në Shijak, i cili transportonte me kamion rreth 3300 palë veshje pa dokumentacion shoqërues, të dyshuara si të kontrabanduara.
Në rastin e dytë, u procedua penalisht shtetasi Sh. D., 54 vjeç, banues në Rrogozhinë, pasi në kamionçinën e tij u gjetën qindra litra pije alkoolike, përfshirë 86 shishe, gjithashtu pa fatura origjine.
Të dy rastet janë referuar Prokurorisë së Durrësit për vijimin e hetimeve, ndërsa mallrat janë sekuestruar.
Kontrollet janë pjesë e masave të shtuara të Policisë Kufitare në Durrës për parandalimin e paligjshmërive dhe kontrabandës në hyrje-dalje të vendit.
/vizionplus.tv
