Deklaratave te ish-kryeministrit maqedonas Nikolla Gruevski kundër dygjuhësisë, qe sipas tij, do te çoje ne federalizimin e vendit, ministri i Jashtëm Ditmir Bushati u eshte përgjigjur me nje postim ne faqen e tij ne Facebook. “Për të gjithë ata që i konsiderojnë shqiptarët si punëtorë sezonal në trojet e tyre!” shkruan Bushati, ndërsa përmes nje videoje thekson se pa kërkuar me shume dinjitet për shqiptaret ne Maqedoni, rreziqet që i kanosen rajonit mund të çojnë në tjetërsimin e integritetit tonë kombëtar.
“Nëse shqiptarët do të ndihen të margjinalizuar për shkak të jetësimit të politikave që mund t’i konsiderojnë si punëtor sezonal në trojet e tyre; nëse ne nuk jemi të vëmendshëm t’i përgjigjemi në kohë kërkesave legjitime të tyre për më shumë dinjitet dhe barazi shoqërore, atëherë rreziqet që i kanosen rajonit tonë mund të çojnë në tjetërsimin e integritetit tonë kombëtar. Shenjat e alarmit janë dhënë dhe ne jemi të ndërgjegjshëm se këtu bëhet fjalë për të ruajtur e kultivuar atë që kemi tonën të natyrshme e të shenjtë përkundrejt përcudnimeve të importuara e të lehtësuara dhe të shpejtuara nga mungesa e barazisë, dinjitetit dhe zhvillimit. Nuk do të rreshtim së theksuari nevojën e zhvillimit të shqiptarëve kudo ata jetojnë për më shumë dinjitet barazi, përfshirjen e planeve të zhvillimit”.
Gruevski ashpërsoi tonet menjëherë pasi rivali i tij socialdemokrat Zaev, siguroi firmat e nevojshme per te marre mandatin per krijimin e qeverise.
