Pritëm më shumë se një vit, që Era Istrefi të publikonte hitin e saj të radhës dhe duket se pritja nuk na shkoi dëm, sepse “Redrum” rezultoi një tjetër sukses në karrierën e saj.
Kënga ka më pak se katër ditë që është publikuar dhe ka afro 4 milionë klikime në Youtube, por këngëtarja ka një “frikë” shumë të madhe dhe për këtë ka kërkuar ndihmën e fansave të saj.
“Ky është teksti origjinal i “Redrum”, ai që unë dhe David shkruam së bashku. Ju lutem më ndihmoni ta shpërndajmë, pasi një tekst i gabuar është duke qarkulluar kudo. Faleminderit për dashurinë dhe mbështetjen njerëz! Më vjen mirë që “Redrum” ju bën të ndjeni diçka”,- shkruan Istrefi në një status, të cilin e ka postuar në profilin e saj zyrtar në Facebook.
