Ne zgjedhjet lokale te vitit te kaluar PD hyri ne gare me nje prej koalicioneve me te vogla krahasuar me zgjedhjet e tjera, realitet te cilin ka vendosur ta ndryshoje ne betejën e ardhshme elektorale. Nje tryeze periodike aleatësh është instaluar tashme dhe PD ne këndvështrimin e numrit 2 Arben Ristani ka nisur nje proces hapje me çdo force politike qe nuk është rreshtuar ne krah te qeverise.
“Ne raport me FRD ka patur nje deklarim te nënkryetarit te PD, ne raport me Aleancën Kuq e Zi ka pasur deklarime, sigurisht qe dhe me PBDNJ; pra çelësi eshte jemi te hapur me çdo kënd qe gjen te përbashkëta me programin e PD dhe ne opozite me qeverinë aktuale.”
Ndërsa FRD deri me tani e ka refuzuar bashkëpunimin me PD, me afër PD duken PDBNJ e Dules dhe forca e drejtuar nga Kreshnik Spahiu. Por derisa qëndrimet e këtyre aleateve potenciale te zyrtarizohen opozita është e përqendruar tek reforma zgjedhore. Për PD, thelbësor është garantimi i votës e me pas nëse ka hapësira mund te shihen çështje te tjera si sistemi qe është prioritar per aleatet e vegjël.
“Interesi i disa partive ne tryeze ishte qe per shembull te kishim nje sistem qe te korrektohej ne mënyrë kombëtare, pra jo thjesht proporcional rajonal siç e kemi sot; por qe janë tema qe partia demokratike është e hapur per ti diskutuar ne varësi te garantimit te nje procesi te lire e te ndershëm. Pa nje proces zgjedhor qe garanton votën e shqiptareve nuk mund te kete diskutime te tjera.”
Tashme qe reforma elektorale ka nisur i gjithë fokusi i PD është përqendruar tek ndalimi i fenomeneve si blerja e votës, ndalimi i financimeve te errëta qe te hyjnë ne fushatat elektorale apo edhe presioni mbi zgjedhësit.
