Mazhoranca do të japë një mundësi të re deri në dhjetor për qytetarët që të pajisen me titull pronësie.
Ligji “Për përfundimin e proceseve kalimtare të pronësisë” hyri në fuqi në maj të vitit 2020 dhe afati për familjet për të aplikuar që të pajisen me tokën bujqësore që u takon ishte deri në nëntor të vitit 2020.
“Jam njohur me dhjetëra e dhjetëra raste të banorëve, të cilët, për shkak të mungesës së informacionit, si edhe për shkak se kanë qenë në emigrim, nuk kanë mundur të bëjnë kërkesë për pajisjen me AMTP brenda datës 7 nëntor 2020”, argumenton deputeti propozues, Vullnet Sinaj.
Për këtë arsye, ai propozon një afat të ri për të përmbyllur këtë proces.
“Është e nevojshme që të përcaktohet një afat tjetër, që të përfshijë edhe verën apo dhjetorin, kur emigrantët rikthehen në Shqipëri për pushime e festa”, thotë Sinaj.
/vizionplus.tv
