Britania e Madhe dhe Bashkimi Europian nënshkruan sot një traktat historik mbi Gjibraltarin.
Firmat u hodhën këtë të martë në Bruksel, në prani të Kryeministrit të Gjibraltarit dhe Ministrit të Jashtëm të Spanjës.
Traktati historik, i nënshkruar në emër të Britanisë së Madhe nga Ministri i Shtetit për Evropën, Amerikën e Veriut dhe Territoret Jashtë Shtetit Stephen Doughty, synon siguri ekonomike dhe tregtare për njerëzit dhe bizneset e Gjibraltarit, mbron sovranitetin britanik dhe mbron funksionimin autonom të objekteve ushtarake të Mbretërisë së Bashkuar.
Gjibraltari u la jashtë Marrëveshjes së Tregtisë dhe Bashkëpunimit Britani të Madhe-BE pas Brexit, duke krijuar perspektivën e një “kufiri të fortë” shkatërrues për 15,000 njerëzit, mbi gjysmën e fuqisë punëtore të Gjibraltarit, të cilët kalojnë çdo ditë kufirin tokësor midis Spanjës dhe Gjibraltarit.
Traktati i ri ofron zgjidhje praktike për të shmangur nevojën për kontrolle të rënda dhe vonesa të gjata në kufi, duke ofruar siguri për njerëzit dhe bizneset në Gjibraltar dhe hap mundësi të reja për fluturime dhe rritje ekonomike.
