Ditën e sotme vendi ynë do të ndikohet nga kushte atmosferike të qëndrueshme, duke sjellë një mot kryesisht të kthjellët në pjesën më të madhe të territorit.
Sipas parashikimeve, gjatë orëve të paradites do të mbizotërojë mot i kthjellët, ndërsa nga mesdita deri në orët e pasdites pritet shtim i vranësirave të pakta deri mesatare, kryesisht kalimtare, në zonat malore të lindjes.
Sa i përket temperaturave, dita do të karakterizohet nga vlera të larta, ku maksimumet pritet të arrijnë deri në 36°C në qytete si Elbasani, Tirana, Berati, Fieri dhe Gjirokastra.
Era do të fryjë me drejtim verilindje – veriperëndim, me një shpejtësi mesatare prej rreth 7 m/s, pa shkaktuar probleme të dukshme.
Ndërkohë, në detet Adriatik dhe Jon valëzimi parashikohet i ulët, i forcës 1-2 ballë.
/vizionplus.tv
