Policia ka arrestuar autorin e dyshuar të vjedhjes së një dyqani bulmeti në qytetin e Pogradecit.
Ngjarja është regjistruar tre ditë më parë në lagjen nr. 3, në zonën e rrugës së spitalit, ku një person kishte hyrë në një dyqan bulmeti dhe kishte marrë një shumë prej rreth 200 mijë lekësh të rinj.
Pas hetimeve me metoda speciale, Komisariati i Policisë Pogradec ka bërë të mundur identifikimin dhe arrestimin e 22-vjeçarit Jorgo Shuli, i dyshuar si autor i vjedhjes.
Sipas policisë, ngjarja është dokumentuar me prova ligjore, ndërsa ndaj të arrestuarit rëndon akuza për veprën penale “vjedhje”. Materialet i janë referuar Prokurorisë së Korçës për veprime të mëtejshme.
Ky është rasti i dytë i vjedhjeve në Pogradec brenda pak muajsh, pas një tjetër ngjarjeje ku u grabit një argjendari dhe u arrestuan dy persona.
/vizionplus.tv
