Aksident tragjik në Shkodër, makina përplas biçikletën, humb jetën në vend drejtuesi i saj

Një aksident me pasojë vdekjen është regjistruar në Unazën Perëndimore të Shkodrës. Sipas informacioneve paraprake, një automjet ka përplasur një shtetas që lëvizte me biçikletë, duke i shkaktuar vdekjen e menjëhershme.

Pas përplasjes me çiklistin, mjeti i drejtuar nga një i ri ka goditur edhe dy automjete të tjera.

Policia dhe grupi hetimor kanë mbërritur në vendngjarje dhe po punojnë për zbardhjen e plotë të rrethanave të aksidentit, si edhe për përcaktimin e shkaqeve që çuan në këtë ngjarje tragjike.

/vizionplus.tv