Tetë shqiptarë kanë rënë në prangat e policisë franceze, të cilët akuzohen si grup narkotrafiku. Mediat e huaja raportojnë se arrestimi i tyre u bë ën Ain, zonë pranë kufirt francez.
Të arrestuarit janë midis moshës 22 dhe 32 vjeç. Ata u arrestuan të mërkurën në një operacion që përfshinte më shumë se 80 xhandarë në Pays de Gex, një rajon që kufizohet me Zvicrën dhe Gjenevën në veçanti, njoftoi prokurorja publike e Bourg-en-Bresse, Karine Malara, në një deklaratë.
Një “rrjet shumë i organizuar”
Të gjithë u akuzuan dhe u lanë në paraburgim për blerjen dhe shitjen e narkotikëve përfshirë kokainën dhe heroinën si dhe për posedim armësh. Gjatë kontrolleve u gjetën dhjetëra mijëra euro dhe franga zvicerane, duke sugjeruar se ata po shisnin edhe përtej kufirit francez.
Trafikimi i tyre i ” tipit ubershitis ” përbëhej nga shpërndarje shtatë ditë në javë të drogës së porositur “në rrjetet sociale”, një “rrjet shumë i organizuar” brenda “komunitetit shqiptar” dhe duke përdorur në veçanti “automjete të shumta të përdorura me rotacion për të fshehur vajtjet dhe ardhjet e tyre të përditshme”, sipas Karine Malarës.
