Urdhri i qeverisë për të mbajtur maskën kudo, edhe në ambientet e jashtme, nuk zbatohet njësoj nga të gjithë. Policia njoftoi se gjatë 24 orëve të fundit janë gjobitur 356 qytetarë, të cilët refuzonin të mbanin maska.
Gjithashtu, efektivët kanë shoqëruar në komisariat shtatë persona sepse janë kapur pa maskë dhe kanë refuzuar të japin kartën e identitetit. Për secilin prej tyre është firmosur gjoba prej 30 mijë lekësh të vjetër.
Sipas policisë, numri i personave që janë kapur në shkelje po vjen në rënie, duke treguar një ndërgjegjësim të qytetarëve. Maska u bë e detyrueshme edhe jashtë në Shqipëri që nga 15 tetori.
