Legjenda e gjallë e rrepit, Eminem shënoi një moment historik të rëndësishëm në jetën e tij, pasi festoi 16 vjet pa alkool dhe drogë.
Reperi në të kaluarën ka pasur problem me varësinë ndaj alkoolit, por tani është i pastër. Në të kaluarën, ai ka folur hapur për luftën e tij me alkoolin duke përmendur se për pak sa nuk kishte vdekur nga një mbidozë në vitin 2007.
Varësitë kryesore të reperit, përveç alkoolit, ishin edhe pilulat e gjumit, si dhe Vicodin, dhe sipas tij, ka pasur një periudhë që ka marrë më shumë se 20 pilula në ditë.
Nga 20 prilli 2008 e deri më sot, Eminem është esëll. Këtë e ka treguar me postimin e tij të ri në rrjetet sociale.
Në veçanti, ai ka publikuar një foto, në të cilën duket se mban në dorë diçka si një monedhë, me pikë referimi të Alkoolistëve Anonim. Ai thotë “16” mbi të.
Sigurisht që në komente publiku i tij ka nxituar të shprehë mbështetjen për reperin. I pari që komentoi ishte vëllai i tij Nathan, i cili shkroi: “Këshilltari më i madh”, ndërsa menaxheri i tij shtoi: “Gëzuar 16. Shumë krenar për ty”.
/vizionplus.tv
View this post on Instagram
