Kryeministri Rama inspektoi nga afër punimet e procesit të rinderimit në Thumanë, i shoqëruar nga Behgjet Pacolli, biznesmeni dhe politikani I njohur nga Kosova.
Pacolli do të ndërtoje në Thumanë një nga 14 godinat e mëdha të banimit
Në hapjen e kantierit të pallateve të reja, së bashku me Behgjet Pacollin, që do të kontribuojë me ndërtimin e njërës prej 14 godinave të banimit, 13 prej të cilave do të ndërtohen me fondet e qeverisë, shkruan Rama në facebook.
Rama shkruan gjithashtu se “Rilindja e Thumanës” do të marrë formën e plotë në vjeshte.
Falenderim dhe respekt për bacën Behgjet, si edhe kënaqësi e madhe që Rilindja e Thumanës ka hyrë tanimë në fazën e vet përfundimtare dhe në vjeshtë do të jetë realiteti i ri i një zone të goditur fort nga fatkeqësia natyrore, ku pasojat e tragjedisë do t’ia lenë vendin një pasqyre kuptimplotë të pasionit tonë për #ShqipërinëqëDuam
