Ashtu sic pritej, zgjedhjet e së dielës nuk prodhuan asnjë rezultat surprizë.
Partia socialistë siguroi drejtimin e 60 bashkive.
E vetmja njësi ku socialistet nuk do të drejtojnë është Finiqi. Fitues aty u shpall kandidati i partisë MEGA Kristo Kico.
Socialistet nuk u futën fare në garë në këtë njësi duke ia lënë garën dy minorotarëve, Kristo Kico i MEGA-s ( aleat i PS) dhe kandidati i pavarur Leonidha Hristo
Kico fitoi 3333 vota ndërsa rivali i tij 2160.
Këtë të martë, u mbyll numërimi në Tiranë ku Veliaj siguroi mandatin e dytë. Sipas komisionit qendror të zgjedhjeve Veliaj mori 152 230 vota ose 94.21%, ndërsa rivali i tij i bindjes demokratike Arben Skënderaj siguroi 9 364 vota ose 5.79%
Menjehërë pas vendimit Veliaj reagoi përmes një status në facebook ku falenderoi rivalin e tij.
“Tirana u kry! mirënjohje e përulësi për secilin prej jush! respekt për Arben Skënderin e gjithë bekimet e botës për familjen e tij!
Më tej kryebashkiaku u shpreh se tani duhet t’i përvishet punës qe e pret gjate mandatit te dyte.
Edhe ne Peqin përfunduar numërimi i votave për bashkinë e Peqinit. Fitues doli kandidati i PS, Lorenc Tosku duke marrë 5432 vota pas 53 kutive të numëruara. Tosku ishte i vetëm në garë..
Në pjesën më të madhe të bashkive ps nuk kishin asnjë rival, duke konfirmuar dhe rikonfimuar në detyre kryebashkiakët e mandatit të mëparshën.
Nga të dhënat zyrtare të publikuara nga Komisioni Qendror i Zgjedhjeve në të gjithë territorin e Shqipërisë më 30 qershor votuan 21.6%.