Eksperti i çështjeve zgjedhore, Ervin Karamuça, duke komentuar përplasjet mes militantëve të dy forcave më të mëdha politike në vend, u shpreh në “Quo Vadis” se tensionet janë rritur, pasi shihet një “prishje të marrëveshjes”.
“Një herë në 8 vjet, tensionet janë më të mëdha se zakonisht. Me këto ndryshimet e Kodit, e kanë përqeshur publikun. E kanë bërë normë: 8 ti dhe 8 unë. Tensionet rriten kur dikush deklaron që do qëndrojë deri në 2030. Ka një prishje të kësaj marrëveshjeje në distancë. Ne kërkojmë të bëhemi evropianë, por nuk jemi as sa gjysma e Kosovës. Në Kod thuhet: ju votoni , por rregullat i kemi vendosur ne këtu. 5 raunde votimesh do kërkohen që në fund të tyre, votimi pilot të jetë i shtrirë në të gjithë Shqipërinë, që edhe identifikimi, votimi dhe numërimi, të bëhen të treja elektonike dhe rezultatit të dalë për dy orë, atëherë nuk do të ketë punë as Komisioneri Shtetëror.”
Nga ana tjetër, avokati Jordan Daci parashikon se me afrimin e datës së zgjedhjes, do të shtohen edhe konfrontimet.
“Kjo mazhorancë është peng i krimit të organziuar. Unë jam i sigurt se nuk janë raste sporadike, janë tregues të qartë të situatës në terren, besoj se do të përballemi me situata më të rënda në vijim. Me afrimin e ditës së votimit, do të kemi përpjekje direkte të manipulimit të votave dhe do të rritet presioni te zgjedhësit.”
