Ndalohet në Gjermani I dyshuari I dytë që mendohet se ka marrë pjesë në vrasjen e gazetares Viktoria Marinova në Bullgari.
Kryeministri i Bullgarisë, Boyko Borisov pritet të mbajë një konferencë për media më 10 tetor, në të cilën mund të konfirmojë detajet e arrestimit bëri të ditur, Deutsche Ëelle.
I dyshuari, i përshkruar si burrë bullgar në mes të 20 apo 30 vjetëve mund të jetë larguar nga Bullgaria më 7 tetor drejt Gjermanisë, ku jeton nëna e tij.
Kanali televiziv, TVN, ku Marinova ka realizuar emisionin e saj kryesisht të bazuar në raportimet për hetime rreth dyshimeve për korrupsion në nivele qeveritare, ka thënë se i dyshuari i ri nuk e ka njohur gazetaren.
Mirëpo një tjetër transmetues bullgar, bTV, ka raportuar se policia ka gjetur telefonin e gazetares në banesën e të dyshuarit në qytetin verior të Bullgarisë, Ruse.
Autoritetet gjermane kanë mohuar deri tani të konfirmojnë arrestimin.
Trupi i Marinovas është gjetur në një park në Ruse më 6 tetor, teksa ajo ishte duke vrapuar.
Policia ka thënë se 30 vjeçarja është rrahur brutalisht dhe është dhunuar, andaj hetimet janë duke u kryer edhe për jetën e saj personale ashtu edhe për atë profesionale.