Kryetari i PD, Lulzim Basha nuk hezitoi t’i kthente një tjetër përgjigje kryeministrit Edi Rama.
Po në “Twitter”, ai përsëriti kërkesën për transparencën për marrëveshjen me Greqinë për kufirin detar.
Basha e akuzoi shefin e qeverisë se ka mbi kurriz plot marrëveshje të fshehta që janë bërë kundër interest të shqiptarëve.
“Po ta përsëris Edi Rama, bëj transparencë e mos u fshih pas gërrvërreve bajate. As servilët e fundit që të kanë mbetur nuk qeshin me to. Nuk je thjesht i lagur, je i mbytur në detin e marrëveshjeve të fshehta në kurriz të shqiptarëve.”
Në reagimin e fundit, Edi Rama i kujtoi Bashës se ishte ai që firmosi marrëveshjen me palën greke, e cila më pas u rrëzua nga Gjykata Kushtetuese.
