Roja bregdetare në Sarandë ka bërë të mundur shpëtimin e tre personave, pasi veliera me të cilën po lundronin pësoi defekt duke mbetur në det të hapur. Veliera me emrin “Sea Shell” me flamur amerikan me tre veta në bord, vinte nga Dubrovniku për në Sarandë, duke lundruar ne hyrje te Kanalit te Korfuzit.
Në drejtim të Qefalit pësoi defekt duke mbetur në varësi të erës, por fatmirësisht personat që ishin në bord u lidhën me radio me kapitenerinë e portit të Sarandës dukë kërkuar ndihmë.
Menjëherë bëhet me dije se kapiteneria njoftoi Qendrën Ndërinstitucionale Operacionale Detare duke sjellë ndërhyrjen urgjente të dy anijeve të rojës bregdetare të cilat bënë të mundur shpëtimin dhe rimorkimin e tyre deri në portin e Sarandës.
